再見斌仔

我同大部份既香港人一樣, 只係傳媒報導中認識斌仔, 至日前, 亦從報導中得知斌仔離開了我們的世界. 講了解斌仔, 當然談不上, 只係單從佢既故事佢既經歷, 給予我地三思我地每一個人對生命既看法同態度.

斌仔04年請求安樂死電郵節錄 (轉自蘋果日報)


‧「我認為對一個生命的最大尊重，並不是不理任何原因硬要維持生命…我只想將自己的命運重新掌握在自己手……有尊嚴地離開這個世界。」

‧「每天二十四小時我都是在病床上，所有飲食、大小便、清潔、轉身、睡覺、全都是假手於人……我可說是不折不扣的廢人一個。」

‧「我想終止這無了期的等待，可是我就連自殺的能力也沒有，每日都是活在孤獨、寂寞、無奈、痛苦當中。」

從以上的文字我明白佢對生命對自己當時既想法, 無論對自己對身邊既人, 可能佢生命既結束絕對係一件不壞既事. 但問問自己, 我何妨不是一個無理想無希望既人, 想掌握生命, 想擺脫孤獨既生活呢? 咁我係咪都想結束自己既生命呢?

其他人一定會話, "你行得走得, 有手有腳, 有老婆有工作, 你覺得你有資格同人講不幸, 講放棄嗎? "從另外一個角度睇, 就係我有手有腳有老婆有工作, 都有著同一種對生命既失望之餘再加送對家人對社會既責任, 我如果連有呢個失落既感覺都無資格有的話, 我其實真係咩都無.

斌仔, 我唔肯定你在離開既時間既想法, 但既然我地被給予生命, 我地都可能被收回, 不同既只係時間同形式. 希望在我地在世間生活既時間, 有著不同既經歷, 享受也好, 受苦也好, 都總算嘗過. 希望你在天父既國度有另外一種既生活. 安息.